Seguici su
Cerca Cerca nel sito

Sos nuraghes

Sos nuraghes

Sos nuraghes

S'elementu architetònicu tìpicu e distintivu de sa tziviltade nuràgica est su nuraghe. Si tratat de un'istrutura a turre cun càmera (o càmeras, s'in casu de sos monumentos a prus lados) interna cugugiada cun bia a "farsa cùpula" o "tholos".

Sa matessi paràula "nuraghe" cun cale si denùmenat su monumentu cun probabilidade derivat de sa raighina linguìstica "nur", de orìgine antiga meda e de dàbile sostratu mediterràneu, chi diat dèvere significare etotu "tuvu" ma fintzas, a su tempus matessi, "cùmulu de pedras" e, pro sentidu traslato, "logu de osservatzione elevadu". Si diat espressare gasi, giai in sa sìntesi linguìstica, sa dòpia natura architetònica de su monumentu a cale su tèrmine "nuraghe" si referit, àutu a acasagiare ispàtzios abitativos e a su tempus matessi istrutura prettamente militare, de controllu de su territòriu.

In su faeddare cuotidianu custu tèrmine benit impreadu in Sardigna pro designare fintzas unos àteros tipos de monumentos chi, in limbàgiu tècnicu, benint classificados comente a "pseudonuraghi" o "protonuraghi" o "nuraghes a passadissu". Custa ùrtima denumenatzione est in manera piessigna eloquente in s'espressare su caràtere tìpicu de tales monumentos: la format apuntu "a passadissu" de sas càmeras internas, privas de sa cobertura a tholos.

A s'istadu atuale de sas connoschimentos nostros, su nuraghe (cumprendende cun custu tèrmine unu monumentu istruturadu gasi comente l'amus in pessu chi descritu) est una manifestatzione architetònica peculiare de sa sola Sardigna. Non mancat però sa possibilidade de nde cunfrontare sas solutziones istruturales e architetònicas cun sos fàbricos a tholos de su mundu egeo, de sa Còrsica, de sas Baleares, belle coevi.

Pro custos versos, su nuraghe est duncas una tìpica espressione de s'architetura megalìtica chi si manifestat, in custa fase cronològica, in vàrias formas in totu su batzinu de su Mediterràneu.

Aggiornamento

12/9/2023 - 16:48

Commenti

Scrivi un commento

Invia