Seguici su
Cerca Cerca nel sito

Cunferètzia Aberta subra de sa limba sarda

Cunferètzia Aberta subra de sa limba sarda

Meledos e arresonos pro istèrrere ischit polìtica linguìstica benidora

Cunferètzia Aberta subra de sa limba sarda

Su 9 nadale 2024, acanta sa Sala Lilliu de sa Biblioteca Regionale in viale Trieste 137 a Casteddu, de sas 10.30, susu at a tènnere sa Cunferètzia Aberta subra de sa limba sarda, su catalanu de S'Alighera e su tataresu, gadduresu e tabarchinu.

Sa Cunferèntzia Aberta rapresentat un'ocasione de cumpartzimentu e de cunfrontu intre sos sugetos e sos organismos interessados a sas problemàticas de su setore e pro averguare s'istadu de atuatzione de sos interventos prevìdidos dae sa lege LR 22/2018, tòddere propostas pro s'adeguamentu issoro a sos bisòngios istupados e definire lìnias noas de indiritzu.

Ocannu su tema verterà subra de su nou Piano de Polìtica Linguìstica de chimbe annos cun su cale si chircant de definire sas prioridades, sos obietivos generales, sos resurtados abetados e sos elementos netzessàrios pro sa valutatzione de sa polìtica linguìstica regionale.

Su Piano de Polìtica Linguìstica regionale est unu trastu de programatzione privilegiada subra de sos temas de sas limbas minoritàrias e de s'identidade e sas resones fundantes suas sunt plùrimas: tirare a realizare un'echilibrada difusione in su territòriu regionale de sas initziativas in prode de sa cultura e de sas limbas de sa Sardigna; segugiare s'elaboratzione e s'atuatzione de progetos e programas de isperimentatzione e persighire s'armonizatzione de sos interventos de polìtica linguìstica.

Issu definit sas diversas àreas de interventu e s'articulat in interventos coerentes cun sos indicos programàticos de su Piano regionale de Isvilupu 2025-2029

Sa Cunferèntzia Aberta, presidida dae s'Assessora de sa Pùblica Istrutzione, Beni Culturales, Informatzione, Ispetàculu e Isport Ilaria Portas e coordinada dae su Capu de gabinetu Andrea Dettori, at a èssere partzida in duas partes: in sa mattinata, de sas 10.30, s'ant a afrontare sas atziones e sas fainas printzipales realizadas cun su pretzedente PPL cun sos interventos subra de s'Iscola, sos Isportellos Linguìsticos e sos mass mèdia a  cura de su Servìtziu limba e Cultura sarda e subra de sas Tzertificatziones linguìsticas cun sos interventos de sos referentes de sas duas Universidades sardas.

In su merie de sas 15.00 s'at a castiare a su futuru a sa lughe de sos resurtados de sa chirca sotziolinguìstica noa subra de sos giòvanos sardos realizada dae s'Universidade, de su ruolu de s'Isportellu Linguìsticu Regionale e de su contributu de sos partetzipantes a sa dibata finale.

S'at a pòdere sighire s'eventu fintzas online intrende dae s'acàpiu chi sighit Cunfrèntzia Aberta o sinono cun su QRcode chi s'agatat in sa locandina.  Totus sos partetzipantes chi si sunt registrados, inditende sa mail issoro in presèntzia o online, ant a retzire a pustis unu mòdulu de cumpilare partzidu in àreas temàticas in ue ant a pòdere pònnere sos contributos e sos inditos issoro.

Inizio:

2024-12-09

Fine:

2024-12-09

Contatti struttura:

Direzione generale dei Beni culturali, Informazione, Spettacolo e Sport

Servizio Lingua e Cultura sarda

E-mail: pi.cultura.sarda@regione.sardegna.it
Tel. +39 070 606 4948

Aggiornamento

2/12/2024 - 17:10

Dove si trova

Commenti

Scrivi un commento

Invia