Gherradores - PRO S’AMPARU E S’ISPARGHIMENTU DE SA LIMBA E DE SA CULTURA SARDA

In antis de gherrare sèbera unu de is 3 avatar a dispositzione e unu paranùmene de batalla (nickname) longu màssimu 12 lìteras. Seberada s’identidade, otenes 3 regiones e un’obietivu chi ti permitet de liberare s’Ìsula. Depes conchistare sa regione in ue ddu est sa fortilesa romana. Sa gherra si faghet intre regiones a làcana, a corfos de pregontas. Dogni respusta balet su nùmuru de sordados signadu dae sa bardùnfula. Ghetende sa bardùnfula podent essire finas duos colores. Su birde giughet novas bonas pro is rebelles. Su ruju annanghet dificultades a sa cuntierra. In dogni momentu podes comporare trupas. Podes annànghere sordados a mùltiplos de 6 impreande is lingotos de ràmine a pedde de boe. Su giogu acabat cando as a conchistare sa fortilesa romana e, duncas, s’Ìsula intrea, o chi no cando is invasores ant a ochire de su totu is sordados tuos.