Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  perìodos istòricos  ›  fenìtzu-pùnicu

Fenitzu-pùnicu

 
info
Crabas, àrea de Tharros Crabas, àrea de Tharros
Su perìodu fenitzu-pùnicu incluit una fase istòrica de cumentzu (su de IX sèc. a.C. - mesidade de su de VI sèc. a.C.) cando sa Sardigna est pertocada dae sa colonizatzione de su Mediterràneu otzidentale acumprida dae sos Fenitzos. A pustis (segunda mesidade de su de VI sèc. a.C. - 238 a.C.) sos Pùnicos tentant s'ìsula a manera prus direta e s’assemidant. Sos Fenitzos sunt cudda populatzione semìtica chi si fiat aposentada in sas costeras de su Lìbanu giai dae su de III millènnios a.C. S'economia de sos Fenitzos fiat assentada mescamente in atividades cummertziales e maritimas.

Pro las sustentare issos aiant fraigadu paritzas colònias in sas costeras de su Mediterràneu, fintzas in cuddas sardas .Naschet in custu tempus ( intre su de IX e su de VII sèculos a.C.) una filera de mercados cummertziales fenitzos chi posca si mudant in realidades urbanas verdaderas. E tantu paret chi sos Fenitzos - in Sardigna - siant lòmpidos in paghe.

Imbetzes s'unione in s'ìsula, àpida pagu prus o mancu in sa mesidade de su de VI sèc. a.C., intre Fenitzos e Cartaginesos, est a nàrrere intre de gente chi teniat su matessi modellu polìticu, econòmicu e sotziale, cajonat cudda contierra chi non si fiat connota adobiende·si, in antis, sos Nuràgicos cun sos Fenitzos.
In fines sa resessida de custa gherra fiat istada su passàgiu de sa Sardigna suta su poderiu de sos Cartaginesos.
Patrimonio culturale della Sardegna