Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  partner de su progetu

Partner de su progetu

SardignaCultura est su portale de sos Benes Culturales de sa Regione Autònoma de sa Sardigna.
Meledadu comente un'òpera in fìeri, est punnadu a documentare sos temas printzipales chi pertocant a sa sienda culturale sarda.
A costadu de sas immàgines e de sos materiales audiovisìvos chi costituint sas setziones fissas, bi nd'at àteras, postas a dies a manera periòdica, cun s'intentu de acrarire su prus possìbile sa cumplessidade de sa sienda culturale sarda, pro chi nde gosent totus, leende parte a sa bida culturale de s'ìsula.
Oe in die sunt medas sas setziones cumpartzidas in àndalas cronològicas e temàticas chi si podent resumare de custa manera: Archeologia, Architetura, Arte, Fotografia, Tzìnema, Literadura, Limba sarda, Paesàgiu, Traditziones e Festas.

Su progetu si cumprit cun unas cantas setziones destinadas a crèschere de sighidu: Logos de sa cultura, Bibliotecas, Archìvios, Monumentos, Àreas archeològicas e Museos chi leant in cunsideru, in totu o in parte, sa gestione dae parte de sa Regione.
Cada setzione est arrichida dae sos documentos allegados: paris cun ischedas e testos, e paris finas a su frunimentu mannu de immàgines e de materiales audiovisìvos, est manu·manu creschende sa possibilidade de consultare, in totu, sos volùmenes de algunas de sas cannacas prus importantes de archeologia, istòria de s'arte e literadura de sa Sardigna.

Su portale SardignaCultura est cofinantziadu cun fundos de s'Acordu de Programma Cuadru in Matèria de Sotziedade de s'Informatzione, chi atenent a su Progetu SICPAC.
Sa setzione Eventos Mannos est unu progetu acumpridu cun sos finantziamentos de s'Unione Europea, pro mèdiu de sa Mesura 2.3 "Istruturas e servìtzios pro atividades culturales e de ispetàculu", Asse II "Resursas Culturales" de su POR Sardigna 2000-2006.



Loghi ufficiali degli organismi finanziatori:

Patrimonio culturale della Sardegna