Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  notas legales

Notas legales

Premissa
Sa Regione Sardigna cheret ofèrrere, cun custu giassu, un'informatzione cantu prus possìbile posta a die, pretzisa e chi bi potzant lòmpere totu sos chi disìgiant connòschere mègius sos piessinnos de su territòriu issoro, sa cultura e sa realidade amministrativa issoro.
Sos contenutos de su giassu carchi borta podent èssere non cumpletos in totu e non postos a die, no intames su cuidadu de sa redatzione.

Copyright (Deretu de còpia)
Totu sos testos, sos sonos, sas fotografias, sos filmados, sa gràfica e sos programmas (software) presentes in intro de custu giassu sunt tutelados cunforma a sas normativas subra su deretu de autore, subra sos brevetos e subra cuddas chi pertocant sa propriedade intelletuale.
Sos marcos, sos nùmenes e sas ditas mentovados in intro de custu giassu apartenent a sos proprietàrios issoro o titulares e podent èssere tutelados dae brevetos e/o copyright cuntzèdidos o registrados dae sas autoridades prepostas. Duncas podent èssere iscarrigados petzi pro usu personale e non cummertziale: pro custu nudda, nemmancu in parte, at a pòdere èssere reproduidu, modificadu o torradu a bèndere pro nde tènnere profetu.
Sos contenutos de su giassu no ant balore legale, tocat de tènnere in referèntzia sos testos adotados a manera ufitziale e publicados in s'editzione de paperi de su Bulletinu Ufitziale de sa Regione Sardigna e de sa Gazeta Ufitziale. In prus ammentamus chi in casu de iscuncordàntzia custos narados a ùrtimu prevalessent subra sos testos publicados in su giassu.

Impreu de su giassu
In perunu casu sa Regione Sardigna at a pòdere èssere cunsiderada responsàbile de sos dannos de cale si siat natura cajonados a manera direta o non direta dae s'atzessu a su giassu, dae s'impreu de sas novas chi sunt càbidas in ie. Sunt cunsentidas tzitatziones a tìtulu de crònaca o retzensione si sunt acumpangiadas dae s'inditu de sa fonte "Regione Sardigna" e dae sa Url cosa sua.
Sa Regione Sardigna si reservat su deretu de reprodùere sos testos in àteras publicatziones.
Sa Regione Sardigna si reservat su deretu de mudare sos contenutos de su giassu e de sas notas legales in cale si siat momentu e sena perunu preavisu.

Sinnalatzione faddinas
A s'in capas s'agatent faddinas, inesatesas o funtzionamentu malu, ant a pòdere èssere inviadas sinnalatziones a s'indiritzu de posta eletrònica chi sighit:
sardegnacultura@regione.sardegna.it
Sa Regione Sardigna los at a currègere su prus a lestru.

Atzessu a sos giassos esternos collegados
Sa Regione Sardigna non tenet peruna responsabilidade pro su chi pertocat sos giassos a sos cales si podet lòmpere pro mèdiu de sos collegamentos postos in intro de su giassu matessi.
Sa Regione Sardigna no est responsàbile de sas informatziones otènnidas dae s'impitadore pro mèdiu de s'atzessu a sos giassos in ue si podet lòmpere pro mèdiu de collegamentu ipertestuale. Pro custu, de sa cumpletesa e pretzisione de sas informatziones si depent cunsiderare responsàbiles sos sugetos titulares de sos giassos a sos cales si podet lòmpere cun sas cunditziones prevìdidas dae issos matessi.

Pòlitza de Privatesa (Privacy Policy)
Sa Regione Sardigna garantit chi su tratamentu de sos datos personales chi diant dèpere lòmpere pro mèdiu de posta eletrònica, finas in sea de registratzione, est cunforme a cantu prevìdidu dae sa normativa in vigèntzia subra de sa privatesa (privacy) (d. lgs. 30 de làmpadas 2003, n. 196, in vigèntzia dae su 1 de ghennàrgiu 2004).
In particulare custos no ant a èssere tzèdidos a tertzos, s'impreu issoro at a serbire a manera esclusiva pro sas comunicatziones chi pertocant su giassu e sos contenutos suos e pro s'imbiu dàbile de informatziones subra argumentos chi atenent a sos contenutos de su giassu.
Sos datos personales ant a èssere tratados a manera esclusiva pro s'acumprimentu de sas atividades de sas cales a s'art. 24 de su còdighe subra sa privatesa, pro sas cales no est rechèdidu su cunsensu de s'interessadu.
Sos deretos de s'interessadu sunt cuddos indicados a manera crara in s'art. 7 de su còdighe subra sa privatesa e podent èssere esertzitados cun rechesta indiritzada sena formalidades, finas pro mèdiu de lìtera racumandada, telefax o posta eletrònica (art. 9 de su d. lgs. 30 de làmpadas 2003, n. 196) a su titulare o a su responsàbile. Titulare de su tratamentu est su Presidente de sa Giunta Regionale, cun sea in Viale Trento, 69 – 09123 Casteddu, responsàbiles de su tratamentu sunt sos Dirigentes de sas istruturas cumpetentes pro matèria a sos cales s'interessadu si podet indiritzare pro rechèdere informatziones chi pertocant sos datos personales ebbia.

Download
Onni ogetu presente in custu giassu pro l'iscarrigare (download) comente pro esempru sa documentatzione tècnica, normativa, modulìstica e software etc. francu inditos diferentes, est a disponimentu a manera lìbera e a s'indonu a cunditzione chi non bèngiat impreadu pro nd'otènnere profetu o pro lòmpere a fines illètzitos.

Virus informàticos
Sa Regione Sardigna non garantit chi su situ siat sena faddinas o virus. Sa Regione Sardigna, sos fornidores suos e sos collaboradores suos non sunt responsàbiles pro sos dannos tentos dae s'utente pro neghe de custos elementos de caràtere distrutivu.
Patrimonio culturale della Sardegna