Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  logos de sa cultura  ›  bibliotecas e archìvios

Bibliotecas e archìvios

Casteddu, Biblioteca Universitària Casteddu, Biblioteca Universitària
De sos inventos prus de importu chi s'òmine est istadu a tretu de prodùere si depet incluire s'iscritura. Pro more de custu passu a dae in antis difatis s'òmine nche fiat resurtadu a si liberare dae sas cadenas de sa memòria a sas cales sa trasmissione orale de sa connoschèntzia fiat a mala bògia ligada, intreghende a s'iscritura totu sas connoschèntzias chi s'isvilupu culturale fiat istadu capassu de prodùere.

Tando, si su "libru" est una de sas formas materiales elaborada pro chi sa connoschèntzia siat trasmìtida in forma iscrita, sa "biblioteca" est su logu in ue si costoint e s'amparant sos libros.

Su tèrmine "biblioteca" derivat difatis dae su latinu "bibliotheca", chi pro un'àteru bessu est nàschidu dae su grecu "bibliotheke", cumpostu dae "biblion", chi sinnìficat "libru", e dae "theke", chi sinnìficat apuntu "logu pro assentare cosas", "depòsitu". Pretziada est tando sa funtzione tenta dae sas bibliotecas, pùblicas e privadas: custas rapresentant difatis "depòsitos" de sa "memòria iscrita" de s'umanidade.

Pretziada ateretante e, in calicuna manera, cumplementare a cussa de sas bibliotecas si presentat sa funtzione de sos "archìvios". Cun custu tèrmine de costumàntzia si faghet riferimentu a "totu sos documentos produidos dae una pessone fìsica o giurìdica, pùblica o privada in totu su tempus de s'atividade sua".

Su portale "SardegnaBiblioteche", dedicadu- a sas bibliotecas de Sardigna, cheret contribuire a s'amparu e a megiorare sa possibilidade de benefitziamentu de sas bibliotecas sardas. A chirru de intro suo, unu motore de chirca permitit de agatare sos documentos costoidos in sas 199 bibliotecas chi leant parte a sos servìtzios de sa retza regionale. Incarchende subra su link chi currispondet a sa biblioteca seberada s'otenet s'intrada a su catàlogu e a sos servìtzios a disponimentu.
Chircade su tìtulu de unu libru, de una revista o de unu film.


Bae e bide su giassu de SardignaBibliotecas
Patrimonio culturale della Sardegna