Giovanni Ciusa Romagna, fèmina cun frùtora, 1928

Limba sarda comuna

Limba sarda comuna

Sa Giunta de sa Regione Autònoma de sa Sardigna at costituidu una Commissione de espertos cun s'incàrrigu de fàghere un'inchesta pro connòschere s'istadu de sa limba sarda e formulare un'istandard linguìsticu de impreare pro s'iscritura ufitziale de argunos atos.

Sa regione adotat Sa limba sarda comuna

S'amministratzione regionale tenet dae su 18 de abrile 2006 una limba sarda sua etotu. Una variedade faeddada in sas àreas tzentrales, cun aberturas a su logudoresu e a su campidanesu, chi at a èssere impitada dae sa Regione in argunos atos suos. Chie si siat podet iscrìere a s'amministratzione in sa variedade cosa sua.

Sa prima delìbera regionale in limba sarda

Pro sa prima bia in s'istòria de s'Autonomia, sa Regione at adotadu una delìbera iscrita in sardu (18 de abrile 2006). Sighende s'aprovu de sas normas de riferimentu pro una Limba Sarda Comuna, sa giunta regionale at ufitzializadu su testu de sa prima deliberatzione ufitziale de s'istòria de s'Autonomia.

S'Istatutu ispetziale e sa Lege 26 in Limba Sarda Comuna

Cun sa matessi delìbera chi su 18 de abrile de su 2006 aiat aprovadu sas normas de sa Limba sarda comuna, su guvernu regionale aiat prevìdidu sa tradutzione de s'Istatutu Ispetziale de Sardigna e de sa lege 26 de su 1997 chi règulat s'amparu de sas initziativas in limba sarda.

Limba sarda comuna. Una chirca sotziolinguìstica

Su 5 de maju 2007 sunt istados presentados in Paule sos resurtados de s'inchesta regionale: ”Limba sarda comuna. Una chirca sotziolinguìstica”. Datos, tzifras e parres de sa populatzione sarda subra sas chistiones linguìsticas chi pertocant s'ìsula.

Limba sarda comuna: una limba chi esistit de a beru

Sa Limba sarda comuna est naturale pro su 92,8 pro chentu, est in positzione mesana in cunforma de totu sos dialetos de su sardu e podet èssere megiorada galu pro dda fàghere divenire sa limba ufitziale de sos sardos.