Carbònia, necròpoli de Monte Sirai

Edade pùnica

A discunsertare una situatzione belle de echilìbriu chi si fiat formada in Sardigna in edade Fenitza intre fortzas culturales de creze diferente, fiant lòmpidos in s 'ìsula, pagu prus o mancu in sa mesidade de su de VI sèc. a.C., sos Pùnicos, est a nàrrere sos "Fenitzos" de Cartàgine, sa colònia Fenitza balente, fraigada in su Nord de s'Àfrica cara a sa fine de su de IX sèc. a.C. Colende sa Sardigna suta su poderiu cartaginesu si fiat afortiada sa mesculàntzia intre Sardos e Fenitzos. E custu fatu est abarradu atzivu finas a pustis de sa conchista romana de s'ìsula.