Traballende in su telàrgiu a ispola

Tessidura

Sa produtzione tèssile traditzionale in Sardigna est ligada meda a cussas chi, in sos sèculos, sunt istadas sas atividades produtivas printzipales: allevamentu e massaria.
Sas fontes istòricas documentant, dae s’edade romana e in fatu de custa, s’esistèntzia de una atividade tèssile de importu isparghinada in totu su tèrritòriu e mescamente sas fontes de s’Otighentos faeddant de una produtzione raighinada e isparghinada a livellu familiare, fintzas si non mancaiant fèminas "ispetzializadas" in s’una e in s’àtera de sas fainas.