Una pranta de armidda

Meighina populare

Sa meighina populare in Sardigna

Sa meighina populare sarda s'espressaiat in tres momentos de fundamentu de sa gestione de sa maladia: sa diàgnosi, sa cura e sos elementos de natura diferente impreados in sa cura, chi s'ammesturaiant in una casta de apotecaria colletiva.

Sa meighina de s’ogru

Intre sas denumenatziones locales impreadas pro definire su ritu màgicu-religiosu contras a s’ogru malu, cussa de sa “meighina de s’ogru” est s’ùnica chi est presente a manera isparghinada in totu sas provìntzias sardas. Sos sanadores cuntatados sunt 339, e de custos 321 sunt fèminas e 18 òmines. Cussos seguros a beru ma non cuntatados sunt belle 500.

Sa terapia de s'assuconu

Sos sanadores chi oe in die pràticant custu ritu terapèuticu, segundu a cantu est essidu dae sa chirca, sunt 47, de custos 45 fèminas e 2 òmines. Belle totu custos sanadores sunt sortidos in sas provìntzias de Casteddu e Nùgoro (a manera rispetiva 25 e 17). Sas pessones chi impitant custa terapia in totu s'annu sunt belle 3650.

Sa terapia de sas brusiaduras

Sos sanadores chi oe in die curant sas brusiaduras sunt 44, de custos 29 sunt fèminas e 15 òmines. Sa majoria at decraradu de àere imparadu custa pràtica pro more de carchi familiare etotu. Bator ant naradu chi l’ant imparada a sa sola, duos pro passione e a pustis de annos e annos de provas, sos àteros duos provende sa brusiadura in sa carena issoro e agatende s’erba adata in divarda.