Sardegna Cultura
Logo Regione Autonoma della Sardegna

Ìdolos, modellos de nuraghes e sas istàtuas mannas

Sas istàtuas in pedra, isparghinadas in s'ìsula, pro su prus benint dae santuàrios, e retratant in genere concas de animales. Mescamente su trau. Pertenende a sa religiosidade de sos nuràgicos, sighint fortzis su cultu de su mascru de sa dea mama giai adorada in edade prenuràgica.

Un'àteru sugetu retratadu, in istàtuas siat manniteddas chi piticas, est su nuraghe etotu, pro su prus monoturre, fatu de unu pilotu minore, tzerriadu "bètilo-turre", fintzas ca fiant assentados in intro de su "pinnetu de sas reuniones", belle semper in mesu de s'aposentu e subra unu acotzu tzacadu in terra. Una casta de altare (unu "bètilo"), duncas, dae ue sa divinidade tentaiat e bardaiat sos sèberos e sos acòmodos apostivigasos in sas reuniones. S'agatant, semper e cando, rapresentatzione, fintzas in brunzu e minoreddas, de nuraghes cumplessos, cun una rafiguratzione verdadera de su "mastio" chi àmpuat in su bastione, de sos ispuntones in consolas chi afurriaiant sa parte de subra de sas pinnas de muru.

Pro more de custas rapresentatziones resessimus oe a connòschere comente fiat s'istrutura originària de sas turres nuràgicas, lòmpidas a nois sena sas bòvedas. In s'Edade de su Ferru cumprida, sa tzivilidade nuràgica at a resessire a prodùere fintzas una istatuària antropomorfa manna, mancari chi presente feti in cussu de sos chirros de Tharros est a nàrrere in su santuàriu funeràriu de Monti Prama in Crabas.
In custos tempos naschiant sas aristocratzias "sardu-fenitzas" e su tempus de sa tzivilidade nuràgica islacanaiat giai in su mito.
E a custu mito etotu de sos antepassados nostros, comomai eroitzizados e divinizados, paret chi si lighent sas istàtuas mannas de Monti Prama, chi istorchent sa bisura de sos brunzetos, cun s'armamentu ricu de arcos, elmos corrudos, iscudos, guantos e àteros trestes pro s'amparu de sos mermos e sa carena.
Ancora in pietra, si segnalano alcune raffigurazioni di significato a volte chiaro - come lo sgabello della capanna delle riunioni di Palmavera, forse una sorta di piccolo ''trono'' - ma spesso incerto. Numerose sono, inoltre, le lastre di pietra riccamente ornate da incisioni che riproducono motivi geometrici, il cui significato magico-religioso oggi ci sfugge, e che sicuramente decoravano la fronte di edifici di culto.
© 2018  Regione Autonoma della Sardegna