Sardegna Cultura
Logo Regione Autonoma della Sardegna

S'iscultura in linna

Giuanne dae Nola, Madonna cun Pipiu, dae su Retàulu de Biddamara, 1518
Giuanne dae Nola, Madonna cun Pipiu, dae su Retàulu de Biddamara, 1518
Sa genia de figuralidade propònnida dae sos tacheddadores de sa linna ("escultores") espressat unu gustu suspidu de umores popolarescos chi s'acarat, cunsighende ina variedade de resurtados, cun modellos de cultura àulica.

In sos arredos de linna, mescamente in sos retàulos mannos tacheddados e indeorados, istant paris, intritzende∙si, formas de espressadas diferentes; custos podent difatis ospitare iscumpartos pitòricos o acollire una o prus istàtuas, e custu rechedit s'interventu de cumpetèntzias diferentes pro sa realizatzione issoro. Sunt presentes fintzas operadores siat pintores chi iscultores, capassos a fàghere a sa sola sa parte artìstica etotu de s'esecutzione de s'òpera. Pro su chi pertenet sas istàtuas posca, no est raru a adobiare manufatos de significu (dae Nàpoli, dae Gènova dae Bartzellona) rechestos a craru dae sa cummitèntzia.

In prus a s'atividade de sos iscultores meros e sìncheros est documentada giai dae sa segunda metade de su Chimbighentos un'atividade losana de tacheddadores tzerriados in sos atos notariles "caxers, fusters, archari e fabri lignari" cun una distintzione chi est in raportu a su gradu e a sa calidade de ispetzializatzione, chi sunt de su Grèmiu de sos maistros de linna, s'anàlisi de sas òperas suas podet agiudare a cumprendere in cale misura pro mèdiu de issos siant intrados a fàghere parte de sa cultura de immàgine unos cantos motivos de ondradu chi sunt presentes a fitianu fintzas in sas pedras traballadas.
© 2018  Regione Autonoma della Sardegna