Casteddu, cripta de sos Màrtires in sa seu de Santa Maria, 1618

Edade ispanniola

Ispanniolos in Sardigna

In sos primos annos de su Chimbighentos brotat un'iscola de pintura locale chi agatat in Pedru Càvaro su maistru estremadu, chi faghiat parte de una famìlia de pintores casteddajos afateriados pro prus de unu sèculu in sas butegas de su bighinadu de Istampaci.

S'imbentu de sas Carenas Santas

In finitia de su Chimbighentos sa cuntierra intre artzipìscamos de Tàtari e Casteddu pro sa primatzia de sa Crèsia sarda fiat in su pianu polìticu e in su protzessu de achirimentu de sas modas artìsticas noas. Giai dae su 1409 sos munsennores de Casteddu si nde fiant postos meres de su mandu de "primate de Sardigna e Còrsica".