Giuseppe Biasi,

Formas musicales

Unu momentu de importu ue sa comunidade s'aunit

Sas formas musicales in Sardigna sunt medas e diferentes: vocale, cun o sena acumpangiamentu istrumentale, medas bortas in su cuntestu de sas festas traditzionales chi previdint su ballu traditzionale (su ballu sardu) chi, pro biddas medas de s'ìsula, est unu momentu de sos prus nòdidos ue sa comunidade s'aunit.

Mùsica vocale

Sunt medas e diferentes sas formas de sa mùsica vocale chi si podent agatare in totu sa Sardigna.Resumende in lestresa s'agatant espressadas reservadas, piessinnadas dae s'impreu de una tècnica contivigiada impitende sa boghe e dae una abilesa mera chi teniant sos esecutores ispetzializados a prou. S'agatant puru espressadas inclusivas a manera bundante, fatas de pagos sonos.

Mùsica istrumentale

Sa Sardigna possedit una sienda manna de mùsica istrumentale ca tenet una variedade manna de istrumentos, indìgenos e importados in èpocas diferentes, e ca custos istrumentos sunt galu oe impreados meda mescamente in logos e ocasiones chi pertocant sas festas. Sas launeddas (a tres cannas), a seguru, sunt s'istrumentu prus nòdidu e prus rapresentativu de s'ìsula.

Mùsica pro ballare

Su ballu traditzionale (su ballu sardu), galu oe impreadu meda in totu sos livellos de sa sotziedade, pro paritzas biddas est unu de sos momentos prus de importu de sa comunidade, ue s’istat paris. Finas a sa prima metade de su Noighentos,belle a s'ispissu, una festa daiat una resessida bona cunforma a comente si pesaiant sos ballos, dende atentu a sos sonos e a sas dansas.

Sèneghe, ballos de Carrasegare

De sos Carrasegares traditzionales, importu musicale mannu tenet su "Carrasegare balladu" de Sèneghe. Pro sos seneghesos, giòvanos e intrados in edade, su Carrasegare cheret nàrrere "ballos de sa pratza". Totu sa comunidade dat atentu mannu a su chi costat in custu tempus in Pratza Mannu. Sos ballos inghitzant su 20 de Ghennàrgiu, a sa festa de Santu Sebustianu.

Gavoi, pipiolu e tumbarinu

Intre sos Carrasegares sardos traditzionales, est nòdidu e famadu su de Gavoi. "Su sonu", est a nàrrere su cumplessu musicale formadu dae tumbarinu, triàngulu e pipiolu, e a bortas finas dae sa boghe e dae s'organete diatònicu, est comente sa "colonna sonora" de sas fases de su Carrasegare. Si podet agatare "su sonu" acumpangende ballos diferentes in àteras festas.