Làconi, nuraghe Genna Corte

Archeològicos

Sa Sardigna est assentada in su coro de su Mediterràneu otzidentale. Custu at fatu a manera chi esseret giassu obligadu in sa rota de sas populatziones chi sunt lòmpidas: a pustis de sos Fenitzos sun bènnidos sos Cartaginesos, sos Romanos, sos Bizantinos, sos Ispagnolos e sos Piemontesos.

Sunt adòbios, comente a àteros medas, de traditziones e culturas chi - sena duda peruna - ant lassadu in su territòriu tratas de importu, assummende·si e ammesturende·si cun armonia cun sas traditziones autòctonas: acò chi s'annanghent sas turres pisanas a sas costrutziones de sos nuraghes desemplados, sos casteddos giuigales cun sos bastiones ispagnolos, sas crèsias a sos monumentos.

Ammirende su primore de sas turres nuràgicas, sighende sa rota de sos Fenitzos, chi aiant seberadu sos portos sardos pro s'assentare in su Mediterràneu, o peri sas istradas dissignadas dae sos Romanos, chi aiant batidu in s'ìsula sa traditzione de sas termas, firmende·nos in sos casteddos chi aiant acasagiadu sos giùighes sardos in s'edade medievale, bisitende sos bastiones de època ispagnola, su biagiadore marcat sa sìngia de unu tempus passadu galu biu in su paesàgiu e in su territòriu chi est istadu comente a unu teatru de preferu.


Bae a sa versione in italianu pro bìdere sos itineràrios archeològicos