Logo Regione Autonoma della Sardegna
I BENI CULTURALI DELLA SARDEGNA
sardegnacultura  ›  argomenti  ›  arte  ›  nuragica  ›  arte e tzivilidade de sa sardigna nuràgica

Arte e tzivilidade de sa Sardigna Nuràgica

Cada època e onni cultura si distinghent, intre sas àteras cosas, pro sa capatzidade issoro de bogare a campu espressadas originales chi tzerriamus "arte".Custu balet fintzas pro sa tzivilidade nuràgica chi aiat ischidu espressare s'identidade sua etotu fintzas pro mèdiu de sa forma artìstica.
Gasi comente est costadu pro s'edade prenuràgica, fintzas pro s'edade nuràgica tenimus una creze de produtos de cultura materiale chi donant testimonia de s'avantzare de unu sensu estèticu articuladu.
Custu sensu estèticu aiat agatadu espressada in sa forma sua prus simple mescamente in sas superfìtzies de sas produtziones de testos in tzeràmica, essende a campu in duas maneras: siat cun sa "presèntzia" (duos esempros: sa decoratzione "metopale" e sa decoratzione "a pètene" siat cun s' "ausèntzia" de decoratziones vascolares.Cun su faeddu "ausèntzia" s'indicat sa farta de su totu de elementos de decoratzione chi marcat unas cantas tipologias vascolares de s'edade nuràgica, mescamente in sos tempos prus antigos.
Mancari chi potzas pàrrere chi non li deghet a nche pònnere in sa dimensione estètica custa "ausèntzia", gasi no est: difatis custa acrarat a manera ladina chi sas gentes nuràgicas agradessiant unu sèberu estèticu chi mostraiat petzi sa forma funtzionale de sos ogetos de usu fitianu e custa no est cosa de pagu contu a livellu culturale.
Giumpende a podutziones artìsticas meras e sìncheras, depimus ammentare sas isculturas de brunzu (sos "brunzetos") e s'istatuària manna in pedra (sos "gigantes" de Monti Prama).
Patrimonio culturale della Sardegna