Làconi, pedras fitas de Bau Carradore

Sas pedras fitas

Sas pedras fitas parent imparentadas, a manera morfològica, cun sos “menhir”. Sunt difatis monolitos de forma illonghiada chi però a diferèntzia de sos menhir simples, tenent in un’ala elementos figurativos in resartu. Pro custu sunt connotas fintzas cun su nùmene de“statue-menhir”. Sas chi sunt presentes in Sardigna tenent, pro su prus, duas crezes de ischemas figurativos.
Sas pedras fitas parent imparentadas morfologicamente cun sos “menhir”. Sunt difatis monolitos de forma illonghiada chi però a diferèntzia de sos menhir simples, tenent in un’ala (cussa frontera) elementos figurativos in resartu. Pro custu sunt connotas fintzas cun su nùmene “statue-menhir”.
Sas pedras fitas presentes in Sardigna tenent pro su prus duas crezes de ischemas figurativos.
Una prima casta, classificada comente maschile, presentat in cùcuru una rapresentatzione ischemàtica (mutida a "T") de sa cara umana; suta (e custa est una particularidade de sas pedras fitas sardas) agatamus una figura a triutzu chi paret rapresentende a manera simbòlica una figura umana a cùcuru imbesse; in fines, belle a metade de artària, cumparret sa rapresentatzione de unu istlilete a lama dòpia. Dae custu elementu si cumprendet chi custa creze de “statua-menhir” rapresentet una figura maschile.
Sa segunda casta presentat unu ischema prus simple, caraterizadu in cùcuru torra dae sa cara a “T” ma, in giosso, agatamus duas botzas in resartu, interpretadas comente rapresentatziones ischemàticas de sas titas e, duncas, custa creze de pedras fitas est l’ant interpretada comente rapresentatzione feminile.
Sas pedras fitas prus famadas e prus bundantes in Sardigna benint dae su territòriu de Làconi.
Custos manufatos sunt assentados in tempos de s’Edade de su Ràmene.