Dea mama de istile volumètricu, dae Crabas

Sa dea mama

Una de sas produtziones a ladinu prus "artìsticas" de sa Sardigna prenuràgica sunt a seguru sas istatueddas de sa "Dea mama". Sunt isculturas minoreddas (in mèdia a fùrriu de 10-15 tzentìmetros de artària, ma bi nde sunt fintzas prus piticas e prus mannas) chi retratant figuras feminiles.Sa denumenatzione "dea mama" s'assentat in su cuntestu ue sunt istadas agatadas.

Una de sas produtziones a ladinu prus "artìsticas" de sa Sardigna prenuràgica sunt a seguru sas istatueddas de sa "Dea mama".
Sunt isculturas minoreddas (in mèdia a fùrriu de 10-15 tzentìmetros de artària, ma bi nde sunt fintzas prus piticas e prus mannas) chi retratant figuras feminiles.
Sa denumenatzione "dea mama" intregada a cussas isculturas s'assentat in unu cuntestu ue sunt istadas agatadas, semper in àmbitu funeràriu, chi at giutu sos istudiosos a pensare chi cussas màgines potzant èssere una rapresentatzione sagrada de s'ispàtziu fìsicu e simbòlicu in ue su mortu benit postu: sa ida e duncas comente "mama" a coa de sa cale (sa tumba ipogèica) su mortu torrat a s'acasagiare. Tocat de nàrrere chi però sunt petzi ipòtesis intrepretativas.
Sa prus antiga de custas figuras est cussa chi tzerriant "Vènere de Macumere", chi si podet assentare in su tempus, mancari chi no a manera segura, in su Neolìticu antigu.S'istile de sa rapresentatzione mudat segundu sa fase cronològica e culturale. Si moet dae s'istile "naturalìsticu" de sa "Vènere de Macumere" e, galu de prus, de sas istatueddas "steatopigie" agatadas in necròpolis chi pertenent a sa Cultura de Bonu Ighinu; si giumpat posca a sas istatueddas in istile "cruciforme", chi pertenent a sa Cultura de Otieri e si lompet a sas figuras "traforate" de s'Eneolìticu.