Istatueddas de dea mama a traforu, dae Tàtari

Sa nàschida de s'arte

Sas primas testimonias in Sardigna de produtos "artìsticos" sunt de su Neolìticu inferiore, cando in s'ìsula essint a campu in unos cantos manufatos umanos sos primos sinnos de decoratziones "cardiales", otènnidas cun s'impreu de unu conchìgiu tzerriadu Cardium. Las agatamus a pìgiu de sas formas vascolares de cussu perìodu e de cussa cultura tzerriada "Cardiale".
Sas primas testimonias in Sardigna de produtos "artìsticos" sunt assentadas in tempos de su Neolìticu inferiore, cando in s'ìsula istupant in unos cantos manufatos umanos sos primos sinnos de decoratzione "cardiales", otènnidas cun s'impreu de unu conchìgiu tzerriadu Cardium. Las agatamus a pìgiu de sas formas vascolares de cussu perìodu e de cussa cultura tzerriada "Cardiale".
Moende dae tando, sa presèntzia de sa decoratzione de sas superfìtzies de sos testos de tzeràmica at a èssere una "costante" de sas paritzas culturas preistòricas chi una in fatu a s'àtera ant a pònnere pee in terra sarda, mancari chi cada una cultura at a tènnere ischemas decorativos, tècnicas de decoratzione e mannària de superfìtzies decoradas chi las distinghent.
Sos primos esempros cumpartos de "arte figurativa" sunt sas carigheddas umanas o concas de animales fatas in sas asas o in sas subrafaches de sos vasos o fintzas subra manufatos de ossu. Gasi est una ispàtula de ossu (Sa ‘Uca de su Tintirriolu, Mara) decorada, in pitzu de màniga, cun una carighedda umana.
Galu prus a ladinu "artìsticas" parent posca sas istatueddas de "dea mama" neolìticas e eneolìticas, est a nàrrere istàtuas piticheddeddas chi mostrant figuras feminiles rapresentadas cun istiles diferentes a segunda de sa fase cronològica e culturale.Sinnalamus in fines sos monolitos eneolìticos tzerriados pedras fitas partzidos in maschiles (cun istilete) o feminiles (cun titas).