Pietro Angeletti, Coja mìstica de Santa Ìgia e Santu Valerianu

S'arte de importatzione

Sa colada de su Regnu de Sardigna dae sos Asburgo de Ispànnia a sos Savòia, pro su chi pertocat sos produtos artìsticos, non mudat de meda sas cuncàmbias traditzionales cun sas tzitades italianas de su Mediterràneu, francu pro s'avantzada in su cuadru culturale de sos sèberos estèticos de sos soberanos noos.
Sa colada de su Regnu de Sardigna dae sos Asburgo de Ispànnia a sos Savòia, pro su chi pertocat sos produtos artìsticos, non mudat de meda sas cuncàmbias traditzionales cun sas tzitades italianas de su Mediterràneu, francu pro s'avantzada in su cuadru culturale de sos sèberos estèticos de sos soberanos noos.
Nointames s'aguantu de una moda artìstica de derivatzione ibèrica, pro su chi pertenet sos incàrrigos si notat un'istesiamentu progressivu dae s'Ispànnia e s'afortiamentu de relatas cun Nàpoli, Gènova e Roma.

Sighit duncas s'importatzione de òperas ibèricas mancari chi sa difusione issoro si fatzat in sos bidditzolos de s'internu, istatziones perifèricas in ue sa resistèntzia contra sas novidades polìticas e culturales de su guvernu nou est prus forte e in ue est prus fàtzile fuire dae su cuntrollu presente in sos tzentros prus mannos.

Difatis est luego crara sa voluntade de sa classe dirigente piemontesa de fàghere càmbios radicales in intro de su sentidu de s'arte in Sardigna, comente mostrat su ruolu intregadu a sos ingennieris militares chi, in prus de torrare a organizare sas fortilesas e sas turres de sa costera, subraintendent a su fràigu de crèsias, cunventos e edifìtzios tziviles, remplassende gasi manu·manu sos ischires costrutivos gòticos de sos "picapedrers" e de sos maistros de muru cun cussos piemontesos, cosa chi aiat fintzas pertocadu su sèberu de sos materiales.
Est però una polìtica culturale atzentradora chi solu a lenu∙a lenu ressessit a pertocare su tessìngiu culturale.