Un’atividade ispetzializada a livellu familiare

Sa produtzione tèssile traditzionale in Sardigna est ligada meda a cussas chi, in sos sèculos, sunt istadas sas atividades produtivas printzipales: allevamentu e agricoltura.

Sas fontes istòricas documentant, dae s'edade romana e in fatu de custa, s'esistèntzia de una atividade tèssile de importu isparghinada in totu su tèrritòriu e mescamente sas fontes de s'Otighentos faeddant de una produtzione raighinada e isparghinada a livellu familiare, fintzas si non mancaiant fèminas "ispetzializadas" in s'una e in s'àtera de sas fainas.

Sos filados sunt de orìgine animale – lana de berbeghe e de capra, seda, bissu – o vegetale: linu cànapa, cotone. Pro sa tintura s'impitaiant in orìgine prantas locales. Sos telàrgios fiant de tipu a ispola o de tipu a istoja. Sas tècnicas sunt paritzas, gasi comente sa tipologia de sos manufatos e de sos motivos de ondradura, ligados a sa traditzione locale.
Regortas de significu de tessìngios de època faghent parte de colletziones de medas istitutziones pùblicas chi las esponent in ocasione de mustras temporàneas. Sunt espostas a manera istàbile sas colletziones de unos cantos museos.

Bibliografia
G. U. Arata-G. Biasi, Arte sarda, Milano, 1935;
A. Imeroni, Piccole industrie sarde, Milano-Roma, 1928;
Il Museo Sanna di Sassari, Milano, 1986;
Il Museo Etnografico di Nuoro, a cura di P. Piquereddu, Sassari, 1987;
P. Loddo, Arte tessile in Sardegna. Simboli e ornati, Sassari, 1987;
L. Degioannis, "I tessuti e i ricami", in Pinacoteca Nazionale di Cagliari. Catalogo, II, Cagliari, 1990;
G. Carta Mantiglia-A. Tavera , La seta in Sardegna, Nuoro, 1992;
L. Degioannis, La tessitura tradizionale in Sardegna, Oristano, 1993;
S. Masala, Nule. Aspetti di vita e cultura popolare, Nule, 1993;
G. Carta Mantiglia "La produzione del bisso marino", in Pesca e pescatori in Sardegna. Mestieri del mare e delle acque interne, a cura di G. Mondardini, Cagliari, 1997;
Il bisso marino. Fili d'oro dal fondo del mare, catalogo della mostra di Basilea (19 marzo-27 giugno 2004);
A. Caoci, Le tessitrici di Isili. Pratiche ed estetiche, Cagliari, 2005