Bestimentas traditzionales de Nùgoro e Orgòsolo

Bestimentas maschiles

Sa cosa prus nòdida de su chi si ponent in conca sos òmines est sa "berrita" una casta de sachitu de longària diferente, in colore ruju o nieddu, ma non sunt raras sas iscòfias, tzitzias e sos sumbreros o monteras (si de pedde), a bias acumpangiados dae mucadoreddos.
Sa combinatzione traditzionale de base la dat s'unione de camisa, corpete o cossete e sos gipones o soropaos crobados a sos cartzone de furesi e ragas infiladas in sas cartzas o borgeghinos. S'annanghent posca bestimentas chi cugùgiant sas palas de longària diferente che gianchetas, serenicos, pilùrgios, gabbanos, capotinos de coidera, colletos, peddes, istracannos.
Sas mìgias sunt pro su prus fatas a manu cun filu de lana bianca, prus a raru de cotone o linu. Sos botes sunt su cartzu prus connotu, ma s'impitant fintzas sabatas prus lèbias, prèndidas e a bias ondradas cun fìbias de prata connotos comente "botinos".