Bestimentas traditzionales de Lanusè e de Nùgoro

Bestimentas femminiles

Sas fèminas in Sardigna cugùgiant sa conca cun capiales, mucadores, isciallos e manteddos o nche pesant subra sa conca una de sas gunneddas (gunneddas a cuguddu). Sas petorras sunt cugugiadas dae s’unione de sa camisa, de su imbustu connotu fintzas comente palas o solupatu o cosso (segundu si est modde o tèteru) e de su gipone naradu fintzas coritu o velada. Custos sunt bestires in ue s’aunint a tìpidu ricamos e ornamentatziones ricas. Sas gunneddas sunt in bona parte ampras, pro su prus cun ghirones e infrintzidas.
Sa farda, tzerriada fintzas codale o antatena o chinta ma fintzas “frascadroxa” e deventali est presente in belle totus sos bestire siat ordinàrios chi de gala. Sas mìgias in filu de cotone biancu, coloradu o nieddu in base a s’edade, a sas zonas, e a s’ocasione de impreu, sunt chintas siat cun iscarpitas siat cun botinos e iscarponeddos bullitados.