Trìticu de su Museo Sanna de Tàtari (particulare), su de XV sèculos.

Sos condaghes

Sos condaghes (XI - XIII sèculos), sunt de sas primas testimonias de su vulgare sardu. Sunt manoscritos in pergamena, cun documentos chi pertocant a patrimònios de crèsias o comunidades religiosas. In printzìpiu fiant registros patrimoniales redatzionados a forma de ischedas cosidas una subra a s'àtera e posca imboligadas in unu fuste (kontakion in gregu-bizantinu).
Sos condaghes, contivigiados intre su de XI e su de XIII sèculos, sunt de sas primas testimonias de su vulgare sardu. Sunt manoscritos in pergamena, cun documentos chi pertocant a daduras e a patrimònios de crèsias o comunidades religiosas.

In printzìpiu (cumentzende dae su perìodu bizantinu) fiant registros patrimoniales redatzionados a forma de ischedas cosidas una subra a s'àtera e posca imboligadas in unu fuste (kontakion in grecu, dae su cale protzedit sa paràula condaghe). In època medievale sunt passados dae su fuste a su libru, ma su vocàbulu de carchi manera est abarradu. Intre sos prus connòschidos ammentamus su condaghe de Santu Pedru de Silchi, in su cale sos autos prus antigos, copiados in su 1150-80, sunt de unu sèculu in antis; su Condaghe de Santu Nigola de Truddas, in su cale sos autos registrados diant pertocare a su 1115-76 ma s'istèrrida, pagu prus o mancu, est de sa fine de su de XII sèculos; su Condaghe de Santa Maria de Bonàrcadu, in arburesu, sos branos prus antigos de su cale sunt de sos annos 1120-46; su Condaghe de Santu Micheli de Salvènnoro, lòmpidu a nois in una tradutzione ispagnola prus reghente. Su Condaghe de s'ospidale de Santu Lenardu de Bosove est s'ùnicu registru in limba sarda làicu chi nos est lòmpidu. Inoghe sunt costoidas totu sas daduras de su giùighe Barisone II de Turres a su lebrosàriu.

MONOGRAFIE
Il condaghe di San Nicola di Trullas
Il condaghe di Santa Maria di Bonarcado