Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  argumentos  ›  festas  ›  sas festas mannas

Sas festas mannas

Sèdilo, s'Ardia
Sèdilo, s'Ardia
In su tempus chi andat dae maju a cabudanni bi fiant sas festas mannas, ghi galu si faghent in Sardigna, connotas fintzas in aterue siat pro s'atentu chi ant retzidu dae istudiosos locales e istràngios, siat pro su protzessu forte de s'avantzada de istitutziones e turismu chi nde sunt intradas a fàghere parte dae carchi deghènniu.

Sunt apuntamentos organizados dae sas Comunas o dae Comitados adatos, belle totus cun finantziamentos regionales e provintziales, chi mirant pro su prus a s'ammaju turìsticu: sas usàntzias e sas traditziones de sa festa sunt ammaniadas dae sos Comitados e dae sas Pro Loco ispetacularizende∙las pro sos turistas e isparghinende•las in totu sa Sardigna pro mèdiu de sas emitentes televisivas locales. De sas cosas tìpicas de sa festa abarrat pagu, ma mescamente abarrat truncada de su totu sa possibilidade de sa comunidade de si rapresentare e de si castiare de sesi e duncas de s'intèndere protagonista de s'identidade bìvida prus chi bantada dae ogros istràngios.

Su chircu calendariale si serrat cun s'ammentu de sos Mortos. Sa recurrèntzia est repicada a sighidu, die e note, dae su tocu de sas campanas a mortu ("dopiare") e chi si distinghet pro s'usàntzia de ammaniare su màndigu e lassare sa mesa aparitzada a tales chi nde papent sos parentes mortos, chi si creet torrent in custa ocasione in sos logos abbitados a bios. Fintzas sa cùestua de sos pipios acabende s'annu, a parre de unos cantos, est de fàghere torrare a s'ammentu de sos mortos. S'innotzèntzia, sa personalidade e sa carena galu sena forma de sos pipios los rendet non galu de su totu in intro de su mundu de sos bios e adatos pro èssere unu tràmite cun su mundu de sos mortos. S'ammentu calendariale de sos mortos ìndicat belle una tenta ùrtima de fàghere probàbile su chi est impossìbile : sighire a amare a manera cuncreta e dare sustentu a sos istimados chi non bi sunt prus.




Patrimonio culturale della Sardegna