Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  argumentos  ›  tzìnema  ›  sos registas sardos de oe

Sos registas sardos de oe

Un'immàgine dae Piccola pesca de Enrico Pitzianti
Un'immàgine dae Piccola pesca de Enrico Pitzianti
Ammirados o premiados in sos festival, sinnalados dae sa crìtica, sighidos dae unu pùblicu non feti isolanu, sos film de sos registas sardos prus mannos sunt marcados pro un'ispetru temàticu ampru, sìmbolu de un'immaginàriu regionale cuntemporàneu a tretu de rapresentare bene sa pluralidade istòrica, geogràfica e culturale de s'ìsula.
Difatis sunt diferentes sos logos dae ue benint e sas professionalidades e, de cunsighèntzia, sas poèticas, chi moent dae su problema semper presente de sa criminalidade de sos chirros de intro ("La destinazione" de Piero Sanna, "Arcipelaghi" de Giovanni Columbu) a su contu metropolitanu modernu ("Un delitto impossibile" de Antonello Grimaldi, "Pesi leggeri" di Enrico Pau), dae su documentarismu sotziale ("Lultima corsa", "Piccola pesca" de Enrico Pitzianti) a su mundu de sa pitzinnia retratadu dae Peter Marcias.

S'ispiratzione literària de unos cantos tìtulos ("Un delitto impossibile" dae Mannuzzu,"Arcipelaghi" dae Giacobbe, "Sos Laribiancos" dae Masala) marcat finas sa sintonia cun sa richesa de su romanzu sardu, traditzionale e nono.
E galu, sos limbàgios leant logu in su paradocumentàriu de Pau e in sas testimonias a pìculos de Columbu, in sa simbologia visiva sugestiva de Grimaldi, in s'interiorizatzione, belle che onìrica, de s'identidade locale de "Ballo a tre passi" de Salvatore Mereu.
Pro acabare andat marcadu s'impreu costante de sas faeddadas locales e sa presèntzia costante de atores "leados in su caminu", chi sena s'agiudu issoro finas sas imàgines "dal vero" diant divenire un'espediente paesagìsticu sena importàntzia e no una vocatzione de autore raighinada a forte in sa terra sua.
Patrimonio culturale della Sardegna