SS. Trinidade di Sacàrgia, afrescos de s'abside

Sas immàgines de s'arte

S'incantu de s'arte leadu dae una fotografia. Sas traditziones de sèculos fatas a connòschere dae s'obietivu de una tzinepresa.Unu pòpulu chi sinnat sos ritmos fitianos, tziviles e religiosos, cun càntigos e mùsicas antigos. Totu custu in sas gallèrias de SardegnaCultura.

Sos fotògrafos sardos prus de importu ant ischidu apretziare sos piessinnos architetònicos de sas crèsias e de sos monumentos, resessende a aguantare sa lughe e sa prospetiva prus bona, pro fàghere a cumprèndere in su totu su valore de architetos e artistas.
Ant retratadu isculturas antigas, mustrende sa fortza e s'umanidade chi una pedra traballada bene resessit a nàrrere.
Sos registas ant chertu mustrare su caràtere fieru e orgulliosu de unu pòpulu arraighinadu a sas traditziones e presu a sa terra sua. Torrende a propònnere finas sos capolavoros de iscritores sardos nòdidos.

Sa cultura e sa traditzione sarda, s'identidade de sa gente sua, sas tzivilidades chi in s'antigòriu aiant bìvidu custos logos. Totu est torradu a propònnere in custas gallerias , pro mustrare sas bellesas e sas particularidades a chie non las connoschet o pro creare unu ponte virtuale intre chie at dèpidu lassare custa ìsula e sas orìgines antigas cosa sua.