Sa lege istatutària de su 7 de martzu 2007 tenet oe una bortadura sua in sardu.

Su 7 de martzu 2007 su Consìgiu Regionale de sa Sardigna at aprovadu a majoria manna sa Lege Istatutària. Est istadu unu momentu de significu mannu ca su Consìgiu Regionale at ratificadu sa lege prus importante chi guvernat sa polìtica de sa Regione. De fatu s'assemblea autonomìstica at adduidu a una parte de primitia de s'Istatutu de Autonomia in ue si definit s'istrutura de su sistema polìticu chi guvernat sa regione nostra: sa forma de guvernu, sos poderes de su Presidente, de sa Giunta, de su Consìgiu Regionale.

Sa lege definit sas règulas de sa partetzipatzione populare e de chie assumet una càrriga polìtica e duncas sas càusas de inelegibilidade, de incumpatibilidade e de cunflitu de interessos.

Su Consìgiu regionale cun unu dibàtitu longu at seberadu a manera autònoma unu sistema polìticu chi andat cara a sa craresa de sos raportos intre sos tzitadinos eletores e sa responsabilizatzione issoro.

Sa lege istatutària tenet oe una bortadura sua in sardu.

Ligòngiu a su pdf