Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  limba sarda  ›  limbas de minoria in s'unione europea  ›  limbas de minoria in s'europa otzidentale  ›  catalanu

Catalanu

Su catalanu est sa limba de minoria chi, in Europa, at otentu prus resurtados in sa polìtica de valorizatzione e tutela. Pro custa resone est su modellu a su cale abàidant totu sos grupos de minoria de Europa. Dae pagu tempus est istada reconnota limba co-ufitziale de s'Unione europea. In su passadu, su catalanu aiat achiridu giudu pro more de sa Corona de Aragona e de sa dinastia chi regnaiat in Bartzellona. Aiat connotu su lugore prus mannu in su Treghentos e in su Batorghentos, pro incarrerare a sa decadèntzia a pustis de s'unificatzione de sos Rennos ibèricos. In sos primos annos de su de XIX sèculos, b'aiat istadu tentativos medas de recuperare e promòvere s'impreu de su catalanu. Pompeu Fabra, a printzìpios de su sèculu passadu, aiat agabadu s'unificatzione de sa grafia normalizada in manera de rapresentare sas variantes diferentes cunforma a un'ortografia ùnica. Custu fatu de seguru aiat favorèssidu sa ripresa de sa limba e agiudadu meda sa promotzione sua in cuncurrèntzia cun su castillianu.

In realidade in Catalùnia, giai dae sa fine de s'Otighentos, sa borghesia prus illuminada aiat cumpartzidu sas tesis de su catalanismu e sustènnidu una polìtica de revesa pro s'identidade natzionale e in favore de sa limba catalana. Nointames sa parèntesi negativa de su franchismu, cun s'Istatutu de sa fine de sos annos setanta, sa Generalitat at pessighidu una polìtica de normalizatzione linguìstica atziva meda chi no at mancadu de dare resurtados de importu. Oe su catalanu est una limba impreada dae ses milliones e mesu de pessones in Ispagna, Frantza meridionale e in s'Alighera, in Sardigna. Su catalanu est limba ufitziale fintzas in sa Comunitat Valenciana (cun su nùmene de "valencià"), in sas Baleares e in Aragona. E in prus, Andorra lu reconnoschet comente ùnica limba ufitziale de s'Istadu.
Patrimonio culturale della Sardegna