Francuproventzale

Cun "francoproventzale" s'indicat unu grupu de dialetos diferentes meda intre issos, in possessu in subra prus de unos cantos tratos fonèticos e morfològicos unitàrios, chi los distinghent dae sas faeddadas a làcana de tipu otzitànicu e frantzesu. Sos dialetos de tipu francoproventzale si faeddant in sa Valle d'Aosta e in provìntzia de Torino in sa badde de Sangone, in sa badde mèdia e bassa de Susa, in sa badde Cenischia e in sas baddes de Lanzo, dell'Orco e Soana. De creze francoproventzale est finamentas su dialetu de sas duas Comunas de Faeto e Celle San Vito, in provìntzia de Foggia, in ue sa faeddada l'aiant importada a manera probàbile immigrados valdeses in su de XV sèculos. In sas baddes de sa Provìntzia de Torino, su de progredire su piemontesu fintzas a tempos nostros at consumidu meda su territòriu de faeddada francoproventzale, chi in su passadu depiat èssere prus ampru meda cara a sa prana .

Est soberante su nùmeru de 70 mìgia chi lu faeddant in Valle d'Aosta, in ue su francoproventzale pagat sa cuncurrèntzia de duas limbas ufitziales e s'annanta de una variedade veiculare (su piemontesu) chi però est minimende meda. Est prus verdadera cudda de belle 20 mìgia pessones de faeddada francoproventzale in sas baddes torinesas, finamentas issos in unu regime de plurilinguismu e diglossia chi cunditzionat e lìmitat de fatu s'impreu de su "patois". In sas comunidades de Faeto e Celle San Vito (cun agiomai 200 e 450 abitantes pro comuna) s'impreu de sa faeddada francoproventzale est dae tempus in regressu mannu.