Logo Regione Autonoma della Sardegna
SOS BENES CULTURALES DE SA SARDIGNA
sardegnacultura  ›  limba sarda  ›  limbas de minoria in s'unione europea  ›  limbas de minoria in s'europa otzidentale  ›  bascu

Bascu

Sa limba basca rapresentat unu casu ùnicu in su panorama de sas limbas de minoria europeas e non solu. No est difatis una limba de orìgine indoeuropea. Si tratat de un'idioma antigu meda, de cuddos chi s'agataiant in Europa in antis de sas invasiones de sos pòpulos indoeuropeos e, de cunsighèntzia, a primu de sa romanizatzione de s'Europa. Nointames cussu, s'euskera (gasi sos bascos nùmenant sa limba issoro) fiat a beru acanta de iscumpàrrere pro neghe de sa polìtica repressiva de s'Istadu ispagnolu, mescamente a su tempus de su regime franchista.

In sas ùrtimas deghinas de annos fintzas sa limba basca, paris cun s'autonomia de sa regione, at torradu a leare alientu e sustentu nou. Addae de su Paisu Bascu, sa limba euskera est connota in su nord de sa Navarra e in su sud-ovest de sa Frantza (paisu bascu frantzesu). Sa limba la tzèrriant "euskera" (o "euschera Batua") essende pretzisu su bisòngiu de armonizare sos dialetos noos in unu sistema de normas linguìsticas pro si nde giuare in s'insinnamentu de sa limba in sas iscolas.
Patrimonio culturale della Sardegna