Limba sarda comuna

Sa Giunta de sa Regione Autònoma de sa Sardigna at costituidu una Commissione de espertos cun s'incàrrigu de fàghere un'inchesta pro connòschere s'istadu de sa limba sarda e formulare un'istandard linguìsticu de impreare pro s'iscritura ufitziale de argunos atos.
Sa Giunta de sa Regione Autònoma de sa Sardigna at costituidu una Commissione de espertos cun s'incàrrigu de istèrrere un'inchesta pro connòschere s'istadu de sa limba sarda e formulare un'istandard linguìsticu de impreare pro s'iscritura ufitziale de argunos atos.
S'atu ufitziale est sa deliberatzione n.20/15 de su 9.5.2005, chi preòrdinat un'Inchesta sotziolinguìstica subra sa limba sarda, assignada a sa Commissione, chi at a èssere acostagiada dae una sotziedade demoscòpica chi fatzat sa rilevatzione de sos datos. Obietivu de sa chirca at a èssere sa documentatzione de s'istadu de sa limba sarda (in cales àreas de s'ìsula, ispàtzios, logos, situatziones e momentos si faeddet su sardu; in cale misura e proportzione in cunforma a sas àteras limbas e in cales variedades locales, cantos sunt sos faeddadores, cantos dda cumprendent e intendent su bisòngiu de dda faeddare). Est còmpitu de sa Commissione individuare s'ipòtesi de unu còdighe linguìsticu chi sa Regione at a pòdere impreare in sa tradutzione de sos atos suos. Abarrende firmu, comente prevìdidu dae s'art. 8 de sa Lege 482/99, chi petzi sas deliberatziones e sos atos redatzionados in limba italiana produent efetos giurìdicos e leant valore legale. Àteru còmpitu de sa Commissione at a èssere su de definire normas ortogràficas comunas pro totu sas variedades linguìsticas in usu in su territòriu regionale chi agiudent a promòvere sa difusione de istrumentos informàticos pro favorire s'impreu curretu de sa limba sarda. Una prima botza de traballu in custu sensu at fatu nàschere argunas lìneas programmàticas chi ant a dèpere ghiare a sa redatzione de unu documentu tècnicu subra sa Limba Sarda Comuna.

Limba Sarda Comuna

Unos cantos liniamentos grammaticales

Glossàriu giurìdicu-amministrativu