Su saligheresu

S'Alighera, tzitade sarda pro vocatzione e eletzione, mantenet sa faeddada catalana antiga de is abitantes medievales suos. S'Alighera antiga at aguantadu meda contra a is invasores ibèricos e pro custu est istada vìtima de una "pulizia etnica" bella e bona chi nche at catzadu pro semper is sardos chi bi biviant dae printzìpiu. S'est mudada in L'Alguer, tzitade in ue si fiat assemidada gente de limba catalana.
Ammentadu chi su dialetu saligheresu est iscumparende, s'isetu però est cussu chi no at a mòrrere nointames sa distàntzia dae Bartzellona.
Su dialetu saligheresu de oe est sa limba faeddada in Catalùnia intre sa mesidade de su de XIV sèculos e sa fine de su de XVII, chi s'est mudadu pagu e nudda cunforma a s'àrea linguìstica catalana de sa penìsula ibèrica, ma chi at tentu totora s'influènzia in antis de su sardu, posca de s'italianu.
In àteras paràulas, in su dialetu saligheresu, sende chi fiat sessada sa dominatzione ispagnola, una limba de su '400 at sighidu a subravìvere. Su catalanu de s'Alighera duncas est su catalanu antigu a beru cunforma a su catalanu de oe, in su sensu chi, mentras su primu est abarradu, dae su puntu de bista istòricu, a sa situatzione de su de XIV-XV sèculos, su catalanu de Catalùnia, e cuddu de is Baleares, ant atraessadu paritzos sèculos de evolutzione, de adatamentos e de cambiamentos.

Sa missa in saligheresu - Lllibret Missa en alguerés