Istrumentos pro sa tutela de sa limba
S'agatant tres livellos giurìdicos de promotzione de sa limba sarda: s'internatzionale, s'istatale italianu e su regionale sardu.
Legislatzione
Legislatzione internatzionale
In sa legislatzione internatzionale si distinghent oe duos livellos diferentes de tutela de sas minorias linguìsticas e natzionales. A un'ala bi sunt sos documentos generales de inditu de sas Natziones Unidas o de organismos chi atenent a s'ONU, a s'àtera s'atividade legislativa bundante de s'Unione Europea e de sos òrganos legislativos e esecutivos suos.
Legislatzione istatale
In su 1999, sa lege istatale n. 482 at a sa fine reconnotu s'esistèntzia in su territòriu natzionale de entidades e pòpulos cun propriedades linguìsticas diversas dae sa limba natzionale naradas "limbas de minoria istòrica".
Legislatzione subra àteras minorias linguìsticas
Su Continente europeu no est petzi unu mosàicu de limbas, ma finas unu "puzzle" de situatziones diferentes meda intre issas in matèria de tutela de sas minorias. Mancari s'Europa apat aprovadu sa Carta de sas Limbas ch'imponet mesuras de amparu a sos Istados Membros, sas situatziones reales de tutela sunt diferentes meda intre issas.