burattini - unità 20

Mimiu e Lillia tuccan pro unu biazu

Lillia Adiosu, Mimi'! Deo so' partinde...
Mimiu E a ube ses andande?
Lillia A su Congo so andande!
Mimiu A su Congo?! A biere sos leones?
Lillia Sos leones e sos elefantes!
(música africana: ambos sichin su ritmu)
Mimiu E deo so partinde a sa Russia...
Lillia In Russia?! A t'astragare?
Mimiu Oh! Ja mi ponzo sa mastruca de bisaju meu...
Lillia Tittia...Ite frittu! E su colbacco a ti lu pones?
Mimiu Su colbacco e sos istivales, pro ballare a sa russa...
(música russa: ambos sichin su ritmu)
Lillia Oh! Mi paret chi lasso su Congo e ando a su Brasile...
Mimiu A su Carrasecare de Rio? Bi benzo deo puru, gai ballamus sa samba!
(música de sa samba: ambos ballan)
Mimiu Ma... oje est festa manna in bidda! Partimus cras a Rio... commo andamus a sa pratta!
Lillia Beru est! Deo ando a mi pònnere su costúmene. (essit)
Mimiu Deo puru... ando e torro... (essit)
(s'intendet sa música de su dillu)
(intran Lillia e Mimiu, Tzia Manzela e Tziu Predu)
(Tottus cantan e ballan)
A manu tenta tottus andamus
Dillu dillu dillu nos cantamus.

Dillu dillu dillu pro ballare
ca est tempus de Carrasecare.

Dillu dillu dillu ziramus in gai
Chin su ballu anticu de mannai.

Dillu dillu dillu ziramus in goi
Chis su ballu anticu de mannoi.

Tempus est de sonare su sonette
E de ballare agganzaos a brazzette.

Dillu-di-di dillu-di-di
Dillu dillu dillu dillu di-di.