burattini - unitŕ 4

Sos tres res, sa befana, o sa jana?

Mimiu Custa est Luchia, sa sorre mea minoredda.
Luchia (pranghende) Ihi...ihi...ihi...
Mimiu Proite ses pranghende, Luchie'?
Luchia Lillia at una bamboledda e deo nono...
Mimiu Ite sorrichedda pranghijola ch'appo!
Luchia Cherjo sa bamboledda deo puru...ihi...
Mimiu Commo Pasca 'e Nadale nch'est colada...
Luchia Ma... an a bčnnere sos Tres Res!
Mimiu Beru est! Iscrivimus una littera...
Luchia Ite frade bonu ch'appo! Ti do' unu basu...(lu basat).
Ma... e si cussos Tres Res non bi colan inoche?
Mimiu Tando iscrivimus a sa Befana!
Luchia Eja, eja! Ma... e si sa Befana non bi benit?
Mimiu Uffala'! Beh... iscrivimus a una jana!
Luchia Eja, eja! (tzoccat sas manos)
Mimiu Tzocca, tzocca sas manos, Luchie', gai sa jana t'intendet.
Luchia (tzoccat sas manos e cantat)
Tzocca tzocca, tzocca manedda
tzocca manedda ca benit sa luna
sa luna benit e mutit su cuccu
su cuccu benit e mutit sa jana
sa jana benit e battit su donu,
su donu est una bamboledda...
tzocca tzocca, tzocca manedda.