racconti

Su campu de sa fae

Il campo di fave

Ascolta l'audio:

Est unu bellu bortaedie de martu.

Unu fiotu de pitzinnos cherent giogare chin sa bócia, ma in sa corte non b'at logu. In sa piata su vigile che los bogat fora.
E tando, a ue podent andare?
A su cunzadu de Tziu Antiogu! Non b'at àrvures in mesu de su campu e sas piantas de sa fae sunt galu minoreddas.

Giogant e current sos pitzinnos, current dae un'ala a s'àtera de su campu; current
e bríncant, pistende totu sas piantigheddas.
Arrivat Tziu Antiogu chin unu fuste, abboghinende annicadu: "Ohi, sa fae mia pistada! Como bos acontzo eo!"
Sos pitzinnos brincant su mureddu e fuint lestros che lèperes; Tziu Antiogu lis curret ifatu, ma cussos, piús lestros de issu, in unu mamentu non si bident piús.

 

Valid XHTML 1.0 Strict