burattini - unità 20

Mimiu e Lillia tucant pro unu biágiu

Lillia Adiosu, Mimí! Eo so tuchende...
Mimiu E a ue ses andende?
Lillia A su Congo so andende!
Mimiu A su Congo?! A bídere sos leones?
Lillia Sos leones e sos elefantes!
(música africana: ambos sighint su ritmu)
Mimiu E deo so tuchende in Russia...
Lillia In Russia?! A t'inteterare?
Mimiu Oh! Già mi ponzo sa mastruca de nonnu meu...
Lillia Titia...Ite fritu! E su colbaco a ti lu pones?
Mimiu Su colbaco e sos istivales, pro ballare a sa russa...
(música russa: ambos sighint su ritmu)
Lillia Oh! Mi paret chi lasso su Congo e ando a su Brasile...
Mimiu A su Carrasegare de Rio? Bi benzo eo puru, gai
ballamus sa samba!
(música de sa samba: ambos ballant)
Mimiu Ma... oje est festa manna in bidda! Tucamus cras a
Rio... como andamus a sa piata!
Lillia Beru est! Eo ando a mi pònnere su costúmene. (essit)
Mimiu Eo puru... ando e torro... (essit)
(intrant Lillia e Mimiu, Tzia Manzela e Tziu Pedru)
(Totus ballant)
A manu tenta totus andamus
Dillu dillu dillu nos cantamus.
Dillu dillu dillu pro ballare
ca est tempus de Carrasegare.
Dillu dillu dillu giramus in gai
Chin su ballu antigu de mannai.
Dillu dillu dillu giramus in goi
Chis su ballu antigu de mannoi.
Tempus est de sonare su sonete
E de ballare aggantzados a bratzete.
Dillu-di-di dillu-di-di
Dillu dillu dillu dillu di-di.