burattini - unità 13

Mussi e Chica: sa castanza

Chica Semus in atunzu... tempus de castanza, de méndula
e de nughe...
Mussi Eo ando a su cunzadu a collire castanza.
Chica Bae, bae... e torra in presse!
Mussi (torrat miaulende)
Ohi! Mi-mi-mi-miauuu...
Chica Ite b'at, Mussi?
Mussi Sa-sa-sas ispinas in sa li-li-limba...mi-mi-mi-mi-mi-mi-
muiauuu...
Chica Ma tue macu ses a ti pònnere in buca sa castanza
chin sa corza? Limbidentu puru ses como!
Mussi Li-li-limbidentu as a èssere tue... Mi-mi-mi-miauuuu...
Chica Lassamus sa castanza pro oje. Passéntzia!
Mussi O Chichè, a andamus a pedire su mortu-mortu?
Chica Ah! Su pedi-cocone... su pane e binu! Eja! Andamus
a leare duos pischeddos...
(Chica e Mussi essint e torrant chin sos pischeddos e cantant)
Duru duru Tzia Marianna,
abberídela sa gianna
a nos dare pane e binu,
ficusica e piringinu
chin sa nughe e sa castanza,
ca non semus zente istranza.
Duru duru Tzia Mariola,
betade méndula e nantzola,
pabassinos e cocone
chi non siat de chilinzone,
carchi cosa de tracheddare
duru duru a nos giogare.