burattini - unità 9

Mimiu, Lillia e Maria Petena

Mimiu (chin sos mustatzos)
Oje est festa... cherzo andare a piata a ballare...
Lillia (intrat chin su mucaloru in conca)
O Mimí, e custos mustatzos?
Mimiu Non so piús unu pitzinneddu eo, so unu pitzinnu
mannu!
E tue, ite ses fatende chin cussu mucaloru?
Lillia Eo puru non so piús una pitzinnedda.
Ma tue, chin cussos mustatzos, ses feu abberu!
Mimiu Feu eo?! E tue chi mi pares una befana!
Lillia Befana m'as nadu? E tue ses unu babbarrotu!
Mimiu Unu babbarrotu?! E tue ses un'istria!
Lillia Istria a mie?! Como ti lu do eo! (li dat unu ciafu)
Mimiu Ah! Gai est? E tando búscadi custu! ( li dat unu ciafu)
Lillia Babbarrotu!
Mimiu Istria! (s'aggantzant)
Pupa Ohi, ohi, pitzinnos malos! Ohi, ohi...
Lillia Mamea! Chie sezis?
Pupa So Maria Petena... como benzo e bos aggarro!
Mimiu e Lillia Salvamentu! (si cuant)
(sa boghe iscumparit e Mimiu e Lillia torrant)
Lillia Dae, Mimí, torramus in paghe...
Mimiu Eja, eja! Nos damus sa manu e giogamus paris!
Lillia (cantende)
Faghimus sa paghe, nos damus sa manu...
Mimiu (cantende)
Sa manu nos damus e a intundu giramus...
(Mimiu e Lillia cantant)
Giramus intundu, giramus intundu,
pitzinnos, pitzinnas de totu su mundu;
chin cara bianca e chin cara iscura,
totus fizos de mama natura;
malàdios e sanos, famidos e atatos,
bene chérfidos e abbandonados.
Nois semus sos fiores de custa terra,
cherimus sa paghe, timimus sa gherra.
Mutimus sos mannos de totu su mundu,
nos damus sa manu e giramus intundu!