burattini - unità 5

Girudundu chin sa bamboledda

Lughia Oje so bénnida sola a innoghe...fato su girudundu chin
sa pipiedda...
(cantat)
"Gira gira gira, gira rundu-rundu..."
Chica Ello, a sa sola ti ses gioghende? A mi cheres in su giru?
Lughia Beni, beni Chiché!
(cantant)
"Gira gira gira, gira rundu rundu..."
(essint cantande "gira gira")
Mussi (intrat) Ah! A mie non mi cherides a giogare, beru?
Ma già bos la fato pagare...
(Mussi aggarrat sa bamboledda)
Chica (torrat e curret ifatu de Mussi)
Malandrinu! Lassa sa cosa! Lassa...
Mussi Nono! Frrr... frrr...
(sos duos gherrant)
(a sa fine binchet Chica e Mussi si che fuit)
Chica Lughí, beni, beni! L'apo dadu una surra...
Lughia Como sa pipiedda istat chin nois...
Chica Eja, issa puru girat chin nois...
(Chica e Lughia cantant)
Gira gira gira, gira rundu rundu,
síghilu su tempus de custu mundu,
drommi a de note, gioga a de die,
su sole torrat, torrat onzi die.
Gira gira lestru o a passu lentu
chin cara allegra e coro cuntentu,
su tempus sighit, sighit a colare
e su relozu sighit a sinnare...
Tichi tichi taca gira gira gira...
Tichi tichi taca gira gira gira...