burattini - unità 4

Sos tres res, sa befana, o sa jana?

Mimiu Custa est Lughia, sa sorre mia minoredda.
Lughia (pianghende) Ihi...ihi...ihi...
Mimiu Proite ses pianghende, Lughié?
Lughia Lillia at una pipiedda e deo nono...
Mimiu Ite sorrighedda piantigosa chi apo!
Lughia Cherzo sa pipiedda eo puru...ihi...
Mimiu Como Pasca de Nadale ch'est colada...
Lughia Ma... ant a bènnere sos Tres Res!
Mimiu Beru est! Iscriimus una lítera...
Lughia Ite frade bonu chi apo! Ti do unu basu...(lu basat).
Ma... e si cussos Tres Res non che colant innoghe?
Mimiu Tando iscriimus a sa Befana!
Lughia Eja, eja! Ma... e si sa Befana non che benit?
Mimiu Ufa! Beh... iscriimus a una jana!
Luchia Eja, eja! (tzocat sas manos)
Mimiu Tzoca, tzoca sas manos, Lughié, gai sa jana
t'intendet.
Lughia (tzocat sas manos e cantat)
Tzoca tzoca, tzoca manedda
tzoca manedda ca benit sa luna
sa luna benit e mutit su cucu
su cucu benit e mutit sa jana
sa jana benit e batit su donu,
su donu est una pipiedda...
tzoca tzoca, tzoca manedda.