racconti

Su pabauli

Il papavero

Ascolta l'audio:

Est una bella dí de Làmpadas.
Unu pabauli, nàsciu in d-unu arrenconi de una tanca, est annugiau, poita s'agatat a su costau de unu murixeddu, in s'umbra de una mata, e no ddi tocat mai soli; po custu no est bellu arrúbiu comenti is pabaulis chi funt in mesu de su campu de trigu.
Est annugiau, su pabauli, fintzas poita est solu. Si castiat a ingíriu e narat: "Em'a bolli cambiai a unu logu assoliau, ma... chini mi podit agiudai?"
E intzímiat a prangi e a prangi...
Passat unu sórixi de padenti e intendit cussu prantu. "Fortzis deu potzu fai' calincuna cosa!" narat e si ponit a scorrovonai, líbberat is arréxinis de su frori e... currendi ddu portat a su campu de trigu; ddu ponit in d-unu fossixeddu e tudat beni is arréxinis cun sa terra.
Ah! Imoi su pabauli, ispartu a su soli, est allirgu e prexau e su colori suu càmbiat, de aràngiu craru a arrúbiu che fogu, própriu comenti is àterus pabaulis.

 

Valid XHTML 1.0 Strict