burattini - unità 3

Paschixedda

Tzia Manzela Saludi pipius! Deu seu Tzia Manzela, s'ajaja de Lillia. Oi est Paschixedda e custu est unu donu po Lillia.
Lillia (intrat) Ita bella custa bambuledda ! Po mei est?
Tzia Manzela Eja, deddè! Est una pipiedda de tzàpulu. Gioganci, gioga...
Lillia Imoi... imoi dda fatzu dormiri... "A ninnia, ninnia..."
Tzia Manzela O Lilli', no si pigat aici sa pipiedda... dona, donadda a mei, dona...
Boxi de foras Lilli', Lillia, beni a innoi!
Lillia Ajaje', andu e torru illuegus... abetamí... (essit)
Tziu Predu (intrat) Manze', gioghendidí cun sa pipiedda ses?
Tzia Manzela Pipius, custu est Tziu Predu, s'ajaju de Lillia.
Tziu Predu Prexeri de si connosci, pipius! Manze', tui istentadí innoi. Gei andu deu a coi s'angioni. Adiosu, adiosu a totus! (essit)
Lillia (torrat) Ajaje', cantaidda cuss'anninnia, cantaimidda!
Tzia Manzela Eja, deddè, eja!
Anninnia anninnia
dormit sa pipia
dormidí e reposa
frori miu de arrosa.
Anninnia anninnia
dormit sa pipia
cun bisus de allirghia
anninnia anninnia.
(Lillia si nci dormit e Tzia Manzela puru)