logo acagliari.it
Sos cartulàrios de giaju meu
Diàlogu

Sardu Italianu

Luigi: Faghe comente boles, ma ammenta·ti·nde de su chi t'apo naradu!
Gianni: So seguru ca babbu at lassadu cosa iscrita!
Luigi: Marta aiat giai chircadu sos pabiros de babbu tuo...
Gianni: E agatados los at?
Luigi: Eja, los at agatados... giai nos est costadu!
Gianni: In ue fiant cuados?
Luigi: Amus furriadu sa domo a fundu in susu... bae ca nde sunt essidos!
Gianni: Cosa b'aiat iscritu de sas bìngias? Si babbu los aiat custoidos gasi depet èssere cosa importante meda!
Luigi: Fiant in su salàrgiu a intro de unu cassetone!
Gianni: No est cosa chi at postu issu! Calicunu los at manigiados...
Luigi: Mi l'apo pensadu deo puru... at a èssere istada Marta etotu ma non si nd'ammentat!
Gianni: E ite nd'ais ischidu de sas bìngias leghende·los?
Luigi: Pro nàrrere sa veridade babbu tuo no las mèntovat!
Gianni: Ite dias bòlere nàrrere, ca at pensadu isceti a domo tua?
Luigi: No no! Firmu, giai curres pagu...
Gianni: Iscusa, est ca mi pigat fele onni borta chi bi penso!
Luigi: B'at unu cuadernu de babbu tuo chi est de ammentos de gente connota in gherra e de cosas fatas ebbia!
Gianni: Duncas sunt prus de unu? E sos àteros? Seguros seis chi non nos apat lassadu iscritu nudda pro sas bìngias?
Luigi: A segus bi nd'at un'àteru totu prenu de contos e tzifras... ma non si podet cumprèndere de ite siant!
Gianni: Giai l'apo a abbaidare deo! Depet èssere cussu su de s'eredidade!
Luigi: La', custu est su cuadernu chi amus agatadu! Si boles lu faghimus bìdere a su geòmetra de sa Comuna lunis!
Gianni: Como lu leo deo... lunis amus a detzìdere! Marta ite nde pensat?
Luigi: Issa narat a los lassare in ue los amus agatados, in su salàriu!
Gianni: No no, in una pariga de annos si los papant mugore e umididade!
Luigi: Si sorres tuas ti los lassant, pro me, los podes leare tue puru...
Gianni: A ite serbit a los tènnere in cue? Cras lu pregonto a Eleonora puru...