logo acagliari.it
Telefonende a sa mugere in Amèrica
Diàlogu

Sardu Italianu

Luigi: Gianni, si tenes bisòngiu de calicuna cosa pedi, sena istorbu!
Gianni: No no, totu a postu...
Luigi: Seguru ses? Non ti pòngias pensamentos e pedi!
Gianni: L'ischis ite mi dia serbire?
Luigi: Ite? Nara·mi!
Gianni: Diat dèpere mutire a Liliana in Amèrica pro l'avèrtere ca so lòmpidu!
Luigi: Boles mutire deretu a domo tua pro la chistionare?
Gianni: Eja, l'averto! Giai so in manu bona, però la muto!
Luigi: Ite ora est como in domo tua?
Gianni: Est ora de pràndere! Andat bene bene ca l'agato in domo seguru! In ue lu tenides su telèfonu?
Luigi: La', a sas palas tuas etotu est! Ma si ti paret mègius podes leare cussu sena filos dae sa coghina!
Gianni: Tue non ti podes pensare cantu costat a mutire a s'àtera parte de su mundu...
Luigi: Pro una borta... tèngio fìgios meos semper chistionende a su telèfonu! Cussa est s'ispesa de sa bulleta!
Gianni: Andat bene, pregonto a Marta comente si faghet a mutire a foras de s'istadu...
Marta: Cosa m'as naradu, Gianni?
Gianni: Bolia ischire comente est su prefissu pro mutire a foras de s'istadu...
Marta: Non tocat a nde pònnere! Bastat a incarcare su prefissu de s'Amèrica in antis de su nùmeru de domo tua!
Marta: Si boles podimus leare su carculadore... mancari mutis cun skype ca cussu non càrrigat sa bulleta!
Luigi: E gasi podimus fintzas bìdere e saludare a Liliana totu paris! Lea·lu, Marta, lea·lu!
Gianni: Eh, bortas meda non s'intendet nudda e ruet sa comunicatzione... Liliana no est mancu bona meda...
Luigi: Tando, toca! Lea dae in cue su telèfonu! Tue puru, Marta... Giai ses istrinta cun frade tuo! Nara a Giorgia de si nd'ispitzigare dae su telèfonu, e bides ca istraviamus!
Marta: Lassa·lu a pèrdere, Gianni, faghe su chi fias faghende, ca est semper narende...
Gianni: Mancari leo su telèfonu sena filos dae in cue, però, gasi non bos istorbo a chistiones!
Marta: Perunu istorbu! Si non bi fia deo a abbaidare sas bulletas inoghe...
Luigi: Saluda meda a Liliana! E augùrios pro sos pipios!