logo acagliari.it
Dae su sole a s'abba callente
Diàlogu

Sardu Italianu

Giorgia: Su sole andat bene pro sighire s'istùdiu!
Laura: Sa prof fiat isprichende sa netzessidade pro s'òmine de agatare risorsas lìmpias...
Giorgia: No est custa ebbia sa chistione! Cale est sa diferèntzia chi bides intre su carbone e su sole?
Simona: Su carbone est semper prus pagu e imbrutat su logu...
Giorgia: E difatis fia narende ca s'òmine est chirchende risorsas chi no ispatzant!
Simona: Ah... apo cumprèndidu... pro cussu e tante diat bastare sa fortza de su bentu, no? Sena chircare su sole!
Laura: Custa borta su resonamentu mi paret difìtzile...
Giorgia: No as iscritu nudda de su chi at naradu sa prof?
Simona: Deo no... bidimus si b'at cosa in custu libru chi nos at lassadu su bibliotecàriu, toca...
Laura: La', iseta... apo agatadu un'istùdiu in custu situ...
Giorgia: E ite narat? Pro ite sunt seberende sa basca de su sole pro fàghere lughe e eletritzidade?
Laura: Narat ca sas resones sunt duas...
Giorgia: Però tocat a bìdere chie l'at iscritu...
Laura: Lassa ca giai est belligheddu! Assora... amus naradu duas resones... chie iscriet, ca bos lu lego a boghe arta!?
Simona: Duas? Nara·mi una cosa: ma totu custu resonamentu nos lu depimus fintzas istudiare, a pustis? Est pighende·mi dolore de conca...
Laura: Narat ca sa gente protestat ca non bolent cussas pàlias pro su bentu in mesu de sos montes o oru·oru de mare...
Simona: Mi paret ca tenent resone puru! Parent mustajones de ferru!
Giorgia: ...E s'àtera resone cale est?
Laura: Narat ca sas tèulas solares sunt su mègius pro callentare s'abba istraviende dinari e rispetende s'ambiente!
Simona: Non faghent mancu istorbu meda... las ponent in cobertura gasi su sole las ferit in deretura!
Giorgia: Tando podimus iscrìere ca sa regione nostra tenet fintzas su sole comente primu risorsa!
Laura: ... E ca si diant pòdere pònnere tèulas pro prodùere abba buddida e mancari nde tirant sas pàlias a bentu!