logo acagliari.it
Su contadore s'est istacadu
Diàlogu

Sardu Italianu

Marta: Luigi! Luigi!
Luigi: Ite tenes a tzìrrios? Mancu su sàbadu ses bona a ti pasare? Sunt sas oto e mesu...
Marta: Non b'at lughe inoghe!
Luigi: Luigi: Segura ses? E assèlia·ti! Como l'abbàido...
Marta: Eja! E non tenimus mancu s'abba...
Luigi: Mi paret istranu... bae ca at a èssere sartiadu su contadore a suta de sas iscalinas...
Marta: Dia dèpere abarrare chieta? Tenia sa turta pronta de inforrare... e como ite fatzo? La fùlio?
Luigi: Abbassa sa boghe! Pro caridade de Deus! Est mancada sa lughe ebbia!
Giorgia: Ite tenides aboghinende? Piticu su sonnu...
Marta: Non tenimus eletritzidade! Coghide·bos su late in su forreddu...
Giorgia: No lu potzo crèere! E ite at sutzèdidu? Faghet a l'acontzare?
Luigi: Tzertu ca at a fàghere... si bos calmades abbaidamus si est guastu a intro de domo!
Giorgia: Non podet èssere beru! Deo depo andare a istudiare in biblioteca!
Marta: E ite b'intrat cun sa lughe?
Giorgia: Mi depo allisiare sos pilos in antis de essire! Mi serbit sa piastra!
Marta: Mi narat s'idea ca oe as a essire gasi etotu!
Giorgia: Babbu! Acontza·la, mi depo allisiare sos pilos!
Marta: La', non mi fatzas pèrdere sa passèntzia cun custas simpridades!
Luigi: Como setzi·ti e papa!
Daniele: ite est custu trèulu... mancu oe mi lassades corcadu?
Luigi: Pro cussu diat èssere pagu su disisperu puru...
Giorgia: Non b'at lughe! Ismèntiga·ti de allùghere mùsica custu mangianu, tue...
Daniele: Semper cosa torta in custa domo...
Marta: Como papades! Tue, Luigi, abbaidadu as si est cosa a parte de a intro?
Luigi: Inoghe paret totu a postu...
Marta: ite est custu fragu?
Giorgia: Ohi... su late! Istuda su forreddu!
Marta: Sa coghina... como, chi tenias presse meda... già nde tenes tempus pro mi limpiare sos forreddos dae su late!
Giorgia: Su late fiat fintzas pro Daniele! Pro ite lu depia abbaidare deo?
Marta: Luigi! Chirca de cumprèndere pro ite non b'at lughe... inoghe est unu trèulu...
Luigi: Como muto s'amministradore, bidimus ite mi narat issu!