logo acagliari.it
Iscorgiare sa patata
Diàlogu

Sardu Italianu

Marta: Giorgia! Cosa ses faghende?
Giorgia: Nono, como no, pro ite?
Marta: Beni a inoghe, tando... ti depo pedire unu praghere...
Giorgia: Nara, ite est? Mh... ite ses coghinende de bellu?
Marta: Minestra de birdura!
Giorgia: Uff... deo non nde bògio! Non mi praghet sa birdura!
Marta: Una borta a sa chida non t'at a istampare s'istòmagu! Semper papende cussas cosas in iscola... Chie ischit ite bi ponent!
Giorgia: E deo ite depo fàghere?
Marta: Sigomente deo depo pinnigare sa roba chi fiat isparta...
Giorgia: Giai no at a èssere cosa de fàghere in coghina chi ses pedende·mi!
Marta: La', ti lasso inoghe in pitzus sa patata de iscorgiolare! No est mancu meda...
Giorgia: Nosse! Iscorgiare patata no!
Marta: Pro me, si ti praghet de prus, podes fintzas limpiare su fasoleddu!
Giorgia: Diat èssere mègius... ma non b'at cosa prus pibincosa de fàghere?
Marta: Como mi serbit sa birdura e dias fàghere bene a imparare...
Giorgia: La depo fintzas segare?
Marta: Nono, lu fatzo deo, ca tocat a la segare a piticu...
Giorgia: Andat bene.
Marta: Tue però regorda·ti·nde de pònnere a una parte su còrgiu de sa patata.
Giorgia: Cosa de s'ammachiare custa seberadura de arga...
Marta: Est ca bos imbitzu a ghetare totu in su matessi logu! Mandronia est!
Giorgia: E a ue l'allogo? Est totu apitzigosa...
Marta: Pone·lu a intro de una bussa de cussas pro seberare s'arga...
Giorgia: Puru? E in ue sunt?
Marta: Nd'agatas puru in su segundu calàsciu...
Giorgia: Ma de ite sunt custa bussas?
Marta: Est iscritu a una parte! Sunt de triguìndia!
Giorgia: Non paret mancu beru! Pro apicònia nos papamus rosellitas e custos nde faghent bussas pro arga!
Marta: Gasi si s'isperdet no imbrutat! Sa gente bolet educada bene!